Zum Hauptinhalt springen

Wer gestern sein Fett abbekommen hat...

THUNER FASNACHTVon Carlo Kilchherrs schnellem Abgang über die Bärenjungen in Bern bis hin zum Rotlicht an der Gafnerkreuzung –

Ds Muulbeeri Hend eina gwählt – als Gemeindrat z’Thun a Wucha druf – ma hör und stuun «es isch miar z’viel – I ha nid gwüsst dass ma döt – au schaffa müasst» jetzt wends statt 5 – neu 7 Stuck amend chunnt denn no – d’Moser zruck. Dia klina Buaba - im Bärapark dia sind jetz scho - so megastark Ma hät studiart ar Uni Bern Professora vo hia – vo nah und fern Hend usagfunda – noch langer Zyt dass es bi de Bärli – kais Pfiffli git. Am Festival vom Film in Nizza d’ Press vor Welt – tuat Foti blitza sie strahlend ufem rota Teppich Es blitzt und tuat – s’isch eifach herrlich Bi üs in Thun chasch das – au ha Muasch nur a d’Gafnerkrüzig stah. Rätschbäse Dr Gmeinrat Lüscher isch itz g’ange, är isch nid gärn im Zäntrum gstange. Sys Liecht het är – so wird verzellt – viel z fescht und’re Scheffel gstellt. Itz wott dr Rat am runde Tisch die Lücke fülle – wo nid isch. D Gafnerchrüzig-Rotliechtblitze mache d'Autofahrer z Schwitze. Es blitzt bir Ruth – es blitzt bim Walter, es blitzt bi Lüt vo jedem Alter. Drum tüe mir itz für Buesse z spare, e Blitzableiter ufe Charre. Är sig dr richtig Maa uf Ärde, für neue Thuner Stapi z’ wärde. Glängt het’s äbe doch nid ganz, Stapi worde isch dr Lanz. Em Siegethaler ghört Reschpäkt für e schönschte Wahlproschpäkt. D «Stadt Bärn» sött me renoviere, das Schiff wei mir nid verliere. Doch das choscht es Heidegält, s bruucht Sponsore – rund um d’ Wält. Dr Aafang macht dr Gartetor – är bringt vo Kaufdorf – e Motor. SmartieS Dr Vulkan E – E - E... Dr Vulkan Ejalala... Dr Vulkan, eh ja dä dert höch im Norde obe, wäg däm isch mängs Flugzüg, nüm vor Pischtä abghobä. Nid vorzsteue äs gäb mau, bim Niesä sonä Eruption, de brüchti när di ganzi Stadt, ä risä Renovation. Wäg däre Angst dänke Thuner Stürzahler, wähle mir vorsorgläch i Gmeindrat, scho mau ä Maler. Doch dr schöni Carlo, het Respäkt vor settige Sache, u brucht itz die Zit, zum äs Renovations-Konzept z mache. Statt uf Mallorca, wirsch i de Ferie künftig witer reise, mä cha nämlech scho gli, mitem Rumschiff um d Ärde kreise. Dr Sigethaler isch bim Testflug, aus Stewardess o derbi, u verzeut überä Lutsprächer, wo mä soäbä grad isch gsi. Look trough the window, on the right side you can see a big Taifun, and the Blitzä over there that’s the Gafner Chrützig z`Thun. D Weststrass richtig Outobahn, isch täglech anders gstautet, säubscht nöischti Navis, si nach füf Minute scho verautet. Trotzdäm hei mirs einisch, bis zum Stadion fürä gschafft «jaaa», u hei dert wi drei Touriste usem Outo usä gafft. Viu rot-wissi Fahne, u hüüfe Lüt si ja scho da, ersch när merke mir, die si nid vom FC Thun, sondern vo der Unia. Thun West D'Fussball-WM isch verbie, u die armi FIFA ä Milliarde richer gsi. Heit dir gwüsst d'WM chasch itz choufe, muesch nume mit gnue Gäut uf Züri loufe. Itz wird für d'Schwiiz ä Chance cho, ändlech mau ä Olympiade ds übercho. Es isch itz schinbar unbestritte, das siner Zyt zweni zahlt hei die vo Sitten. Dr Kilchherr het wöue i Gmeindrat ga, ohni sis Pflichteheft ds verstah. Er het sech dri la wähle, u nächhär hei ne d'Steueprozänt afa quäle. Mir frage üs Herr Kilchherr was söu o das, machet dir mit de Wähler ds Thun ä Spass. Am beschte isch's mir blibe stumm, aber Herr Kilchherr das war dumm. Mir chöi üsne Ouge nid troue, im Bundesrat da si vier Froue. Übrig bliebe itz drei Manne, mi tät se gschider a Chochherd verbanne. Das hät im einesibzgi niemer däicht, das ä mau d'Froue regiere d'Wäut. Ir Zuekunft da schiint's ä so, das de d'Manne müesse d'Ching übercho. Spottlight De Tägu chunnt üs neu entgäge. Doch müesse mer de Macher säge: «Dass, nur will d’Reihefolg chli chert, de Inhalt o ned besser werd.» Mi Frau und ich, mer findeds geil, S’TT hed nume no zweu Teil. So muesch jetzt nüm so lang go tschegge, wele z’erscht is Altpapier wosch legge! Das G’Jammer schiint üs scho chli müssig, wäg däm Rotlicht dert ber Gafner Chrützig. Well mänge Maa suscht sooo gross prahlt und im Rotliecht-Milieu vell meh zahlt. «Das scho!» meint Fritz vo gägenüber, «nur fahrsch dert ned nur einisch drüber. Und wenns o vell meh choscht pro Nacht, het das Rotliecht meh Freude bracht.» Mer si nervös gsi, zittered ganz. Wer schafft‘s ächt? - Haller oder Lanz? S’isch Wurscht, bi allne Leischtigsträger wird d’Leischtig nach de Wahle träger. De Kilchherr, dä esch ganz entsetzt, wo'n er merkt, mich hed's in Gmeindrot g'schletzt. Er zieht sech z'rogg met chalte Füess, well mer dert jetzt neu o schaffe müess! D’Polanski-Hütte z’Gstaad esch lär. Wer chunnt als nächschts ächt dert dehär? De Roman meint, ohni lang z’brüete, er würd de Kachelmann dert hüete! Mamma mia, s’wär ned ohni, chämt später no de Berlusconi. So werd denn Gstaad berüemt, en Schlager: Als Alters-Playboy Uffang-Lager! Glögglifrösche Murten Im herbscht da chunt die grossi wahu – da zeut de jedi stimm für mänge wird’s ä grossi qual – ou lüügä isch nit schlimm Doch Thun isch güebt mit setig wahle – die stimme düe si raffe Nur bisch mal gwählt – daa stuhnsch Carlo – da muesch sogar no schaffe. Spieglein Spieglein an der wand – Wär isch die schönscht im Land Dr Bundesrat faht ihri sitzig – jetzt später ah aus Plant Ja jedi meint sie sig die bescht – ganz eifach z’schönschte Pferd Mir Fröschä sägä – am beschtä wärs – hei Froue zrüg a Herd.Auswahl: heh>

Dieser Artikel wurde automatisch aus unserem alten Redaktionssystem auf unsere neue Website importiert. Falls Sie auf Darstellungsfehler stossen, bitten wir um Verständnis und einen Hinweis: community-feedback@tamedia.ch